میسر له‌ ده‌روازه‌كان و فڕۆكه‌خانه‌كان ڤیزه‌ ده‌داته‌ هاووڵاتیانی تورکیا

قاهیرە-AA

رێكاری پێدانی ڤیزه‌ له‌لایه‌ن میسره‌وه‌ بەو هاووڵاتییانه‌ی توركیا له‌ ده‌روازه‌كان و فڕۆكه‌خانه‌كان كه‌ سه‌ردانی وڵاته‌كه‌ ده‌كه‌ن، ده‌ست پێده‌كات.

كاربه‌ڕێكه‌ری باڵیۆزخانه‌ی تورکیا له‌ قاهیره‌، ساڵح موتلو شه‌ن لە هەژماری تایبەتی خۆی لە تۆڕه‌ كۆمه‌ڵایه‌تییه‌كان په‌یامێكی له‌وباره‌یه‌وه‌ بڵاوكرده‌وه‌.

ساڵح موتلو شه‌ن رایگه‌یاندووه‌: "هاووڵاتییانمان دەتوانن بەبێ ئه‌وه‌ی پێشوه‌خته‌ ڤیزه‌ وه‌ربگرن، سه‌ردانی میسر بكه‌ن".

شەن وردەکاریی دیكه‌ی له‌وباره‌یه‌وه‌ بڵاونه‌كرده‌وه‌، بەڵام تا ئێستا هیچ لێدوانێکی فەرمی لەلایه‌ن میسرەوە نەدراوە.