هاوسەرۆکی گشتیی هەدەپە پەروین بوڵدان لە شاری وان دەنگی دا

وان – AA

هاوسەرۆکی گشتیی هەدەپە، پەروین بوڵدان بەشداری لە هەڵبژاردنەکانی سەرۆکایەتیی و پەرلەمانیی تورکیادا کرد و لە شاری وان دەنگی دا.

پەروین بوڵدان بەمەبەستی بەشداریکردن لە پرۆسەی دەنگدان رووی کردە قوتابخانەی ئامادەیی جومهوریەت ئانادۆڵو لە شارۆچکەی ئیپەکیۆڵو و دەنگەکەی خستە ناو سندوقی ژمارە ١١٠٦.

هاوسەرۆکی گشتیی هەدەپە، پەروین بوڵدان دواتر بە میدیاکارانی راگەیاند کە دەمێکە کار دەکەن و ئەمڕۆ بەری رەنج و ماندبوونوویان دەدوورنەوە.

پەروین بوڵدان سەرنجی خستە سەر ئەوەی کە لە تەواوی تورکیا هاووڵاتییان دەچنە سەر سندوقەکانی دەنگدان و گوتی: "هیوادارم دەنگەکانمان ببێتە مایەی ئاسوودەیی، خۆشگوزەرانی، خۆشەویستی، ئاشتی، دادپەروەریی و دیموکراسیی. چاوەڕوان دەکەین ئەم هەڵبژاردنە ببێتە مایەی گۆڕانکاری و وەرچەرخان".

کاتژمێر هەشتی بەیانی ئەمڕۆ یەکشەممە، پرۆسەی دەنگدان لە ھەڵبژاردنەکانی سەرۆکایەتیی و پەرلەمانیی لە تورکیا دەستی پێ کرد.

لە ھەڵبژاردنەکانی ئەمڕۆدا، ٦٠ ملیۆن و ٦٩٧ ھەزار و ٨٤٣ دەنگدەر مافی دەنگدانیان ھەیە و لەو ژمارەیەیش چوار ملیۆن و ٩٠٤ ھەزار و ٦٧٢یان بۆ یەکەم جارە دەنگ دەدەن.

پرۆسەی دەنگدان تا کاتژمێر پێنجی ئێوارەی ئەمڕۆ بەردەوام دەبێت.