سەرۆکی گشتیی مەهەپە لە ئەنقەرە دەنگی دا

ئەنقەرە – AA

سەرۆکی گشتیی مەهەپە، دەولەت باخچەلی بەشداری کرد لە پرۆسەی دەنگدان لە هەڵبژاردنەکانیی سەرۆکایەتیی و خولی ٢٨ەمینی پەرلەمانی تورکیا و لە شاری ئەنقەرە دەنگی دا.

دەولەت باخچەلی بەمەبەستی بەشداریکردن لە پرۆسەی دەنگدان رووی کردە قوتابخانەی ناوەندی ئانتتەپە و دەنگەکەی خستە ناو سندوقی ژمارە ١٢٩٦.

باخچەلی سڵاوی لە ئەرکدارانی سەر سندوقەکان کرد و دواتر بە میدیاکارانی رايگەیاند: "خوای گەورە بەشداریکردن لەو هەڵبژاردنەی بە نسیب کردین. ئەمە هەڵبژاردنێکی گرنگە لە ژیانی سیاسیی مندا. وا دەردەکەوێت رێژەی بەشداریکردن بەرزە".

دەولەت باخچەلی هیوای خواست هەڵبژاردنەکە ببێتە مایەی خێروخۆشی بۆ تورکیا و هیوای سەرکەوتنیشی بۆ تەواوی پارتەکان خواست و ئاماژەی بەوە دا کە لە بارەگای گشتیی پارتەکەی چاودێریی ئەنجامی هەڵبژاردنەکان دەکات.

دواتر سەرۆکی گشتیی مەهەپە لە باخچەی قوتابخانەکەدا، وێنەی لەگەڵ هاووڵاتییاندا چرکاند.