هێرشی فڕۆکە جەنگییەکانی توركیا بۆسەر پەکەکە

ئه‌نقه‌ره‌ - AA

له‌ئاکامی هێرشی فڕۆكه‌ جه‌نگییه‌كانی هێزی ئاسمانیی سوپای توركیادا له‌ ناوچه‌كانی ئاڤاشین، باسیان و قه‌ندیل له‌ سنووری هه‌رێمی كوردستان، 12 ئامانج ته‌قێنرانه‌وه‌.

به‌پێی راگه‌یه‌نراوێكی سه‌رۆكایه‌تیی ئه‌ركانی سوپای توركیا، كاتژمێر 8 و یەک خولەک بۆ کاتژمێر 9 و سێ خولەکی شه‌وی رابردوو له‌ئۆپه‌راسیۆنێكدا ناوچه‌كانی ئاڤاشین، باسیان و قه‌ندیل له‌ سنووری هه‌رێمی كوردستان بۆردومانكران.

له‌ئۆپه‌راسیۆنه‌كه‌دا 12 پێگه‌ و حه‌شارگه‌ی په‌كه‌كه‌ ته‌قێنرانه‌وه‌.

دوای ئۆپه‌راسیۆنه‌كه‌ فڕۆكه‌كان گه‌ڕانه‌وه‌ بۆ بنكه‌ سه‌ربازییه‌كان.