وان.. بارهەڵگرێکی پڕ لە تەقەمەنی دەستی بەسەردا گیرا

لەشارۆچکەی ئەرجیشی سەربە پارێزگای وان، بارهەڵگرێکی پڕ لە تەقەمەنی دەستی بەسەردا گیرا و شۆفێرەکەشی دەستبەسەر کرا.

پارێزگاری وان، ئیبراهیم تاشیاپان، لە لێدوانێکدا بۆ پەیامنێری ئاژانسی ئانادۆڵو ئاماژەی بەوە کرد کە لەسەر رێگای سەرەکی ئەرجیش - پاتنۆس لە ئۆپەراسیۆنێکی هاوبەشی هێزەکانی پۆلیس و جەندرمەدا بارهەڵگرێکی پڕ لە تەقەمەنی دەستی بەسەردا گیراوە.

تاشیاپان ئاماژەی بەوەکردووە، شۆفێری بارهەڵگرەکە دەستبەسەرکراوە و رایگەیاندووە: ''لەناو بارهەڵگرەکەدا ٢٥ بتڵی غاز کە تەقەمەنییان تێدابووە، دەبەیەکی پڕ لە سووتەمەنی و دوو پارچە بەردی گەورە دەستیان بەسەردا گیراوە و لێکۆڵینەوە لە رووداوەکە بەردەوامە''.

ئۆپەراسیۆنەکان لە ناوچەکە بەردەوامە.