کارەکانی ساردکردنەوەی ئاگرەکەی هاتای بەکۆتا هات

هاتای- AA

ئەو ئاگرەی دوو رۆژ بەر لەئێستا لە شارۆچکەی ئەسکەندەرون سەربە پارێزگای هاتای کەوتبووەوە دوێنێ کۆنترۆڵ کرا و کارەکانی ساردکردنەوەی ناوچەکەش بەکۆتاهات.

ئاگرەکە کاریگەری لەسەر سێ گەڕەکی شارۆچکەکە دروست کرد و دوای ٢٢ کاتژمێر هەوڵدان، تواندرا کۆنترۆڵ بکرێت.

تیمەکانی شارەوانی بەردەوامن لە پاککردنەوەی ئەو شوێنانەی بەهۆی ئاگرەکەوە زیانیان بەرکەوتووە.

لە لایەکی دیکەوە کارەکانی دیارییکردنی زەرەر و زیانەکان لە ناوچەکەدا درێژەیان هەیە.