کۆبوونەوەی شاندی ئەمریکا و تورکیا کۆتایی هات

واشنتۆن -

ئەو شاندەی تورکیا کە بەمەبەستی گفوگۆکردن لەسەر دوایین رەوشی پەیوەندییەکانی تورکیا - ئەمریکا سەردانی واشتۆنیان کردووە، کۆبوونەوەکانیان لەگەڵ بەرپرسانی ئەو وڵاتە کۆتایی هات.

بە مەبەستی گفتوگۆکردن لەبارەی دەستگیرکردنی قەشە برۆنسۆن لە ئیزمیر کە بە تۆمەتی سیخوڕیکردن بۆ رێکخراوەکانی فەتۆ و پەکەکە دەسگیرکراوە لەگەڵ بڕیاری گەمارۆی خستە سەر تورکیا، شاندێکی تورکیا کە لە ٩ کەس پێکهاتووە و لەناویاندا جێگری وەزیری دەرەوەی تورکیا، سەدات ئونال بەدیدەکرێت سەردانی ئەمریکایان کرد و لەگەڵ بەرپرسانی ئەمریکا کۆبوونووە.

دوێنێ سێشەممە وەزیری دەرەوەی تورکیا، مەولود چاوشئۆغڵو پەیوەندییەکی تەلەفۆنی لەگەڵ وەزیری دەرەوەی ئەمریکا، مایک پۆمپیۆ ئەنجامدا و لەمیانیدا تاوتوێی هەمان بابەت کرا.