ئێران.. كه‌وتنه‌خواره‌وه‌ی فڕۆكه‌یه‌كی بارهه‌ڵگر

ئیستانبوڵ - AA

فڕۆكه‌یه‌كی بارهه‌ڵگری قرغیزستان لە میانی نیشتنه‌وه‌یدا له‌ فڕۆكه‌خانه‌ی شاری كه‌ره‌ج باکووری ئێران كه‌وته‌خواره‌وه‌ و له‌ ئه‌نجامدا، ١٦ كه‌س گیانیان له‌ده‌ستدا.

تەلەڤیزیۆنی فەرمیی ئێران بڵاویکردەوە، فڕۆكه‌یه‌كی بارهه‌ڵگری جۆری Boeing 707 له‌ شاری بیشكه‌كی قرغیزستانه‌وه‌ به‌ره‌و فڕۆکەخانەی پەیام لە شاری كه‌ره‌ج-ی ئێران فڕیوه‌. بە ناچاریی ویستوویەتی لە فڕۆکەخانەی فەتح لە شارەکە بنیشێتەوە و کەوتووەتە خوارەوە بەسەر ناوچەیەکی نیشتەجێبوون. بە هۆی رووداوەکەشەوە ئاگر لە ماڵەکانی دەورووبەر کەوتووەتەوە.

١٦ لە سه‌رنشینانی فڕۆكه‌كه‌ گیانیان لەدەستداوە و کەسێکیش بە برینداریی رزگاریبووە.