ئەردۆغان: "سوورین لەسەر ریشەکێشکردنی تیرۆر لە سووریا"

ئەنقەرە - AA

سەرکۆماری تورکیا، رەجەب تەیب ئەردۆغان سووربوونی وڵاتەکەی لە ریشەکێشکردنی تیرۆر لە سووریا دووپات کردەوە.

ئەردۆغان لە گوتارێکیدا کە له‌ میانی ده‌ستپێكردنی كۆبوونه‌وه‌ی سێقۆڵی نێوان توركیا، رووسیا و ئێران کە له‌ تاران پێشکەشی کرد، گوتی، "سوورین لەسەر ریشەکێشکردنی ئەو شوێنانەی کە لە سووریاوە ئاسایشی نەتەوەییمان دەکەنە ئامانج".

ئاماژه‌ی به‌وه‌شدا كه‌ وڵاته‌كه‌ی چاوه‌ڕوانیی لە رووسیا و ئێران وه‌ك دوو وڵاتی گەرەنتکار له‌ پرۆسه‌ی ئاستانادا ئەوەیە کە له‌ خه‌باتی دژی تیرۆر له‌ سووریا پشتیوانی له‌ توركیا بكه‌ن.

ئەردۆغان راشیگەیاند، تەلڕەفعەت و منبج (باکووری سووریا) بوونەتە شوێنی تیرۆر، لە دوای ماوەیەکی زۆر ئێستا کاتی پاککردنەوەیان هاتووە".

سەرکۆماری تورکیا ئاماژەی بەوەشکرد پێویستە بە روونی و یەکلاکەرەوە لەوە تێبگەین کە هیچ شوێنێک بۆ تیرۆری جوداخوازی و لق و پۆپەکانی لە داهاتووی ناوچەکەماندا نییە.