ئەمریکا.. ئاھەنگگێڕان بە بۆنەی سەرکەوتنی بایدن دەستی پێکرد

واشنتۆن - AA

دوای ئەوەی بە شێوەیەکی نافەرمی بردنەوەی کاندیدی دیموکراتەکان، جۆ بایدن لە ھەڵبژاردنەکانی سەرۆکایەتی ئەمریکادا راگەیەندرا، لە بەشێکی زۆری شارەکان بە تایبەتی واشنتۆن دی سی و نیویۆرک، ئاھەنگگێڕان دەستی پێکرد.

سەرەڕای ئەوەی جیاکردنەوەی دەنگەکان لە بەشێکی ویلایەتەکان درێژەی ھەیە، بەڵام لە دوای ئەوەی بە دەرکەوت کە بایدن لە ھەردوو ویلایەتی نیڤادا و پەنسیلڤانیا بە پێش ترەمپ کەوتووە، بردنەوەی لە پێشبرکێی ھەڵبژاردنی سەرۆکایەتی مسۆگەر کرد.

بەپێی ئەو داتا نافەرمیانەی کە لە ئاژانسی ھەواڵی ئاسۆشیەتید پرێس (ئەی پی) بڵاوکرایەوە، بایدن بووەتە ٤٦ەمین سەرۆکی ئەمریکا و بەم بۆنەیەوە ئاھەنگێڕان دەستیپێکرد.

ژمارەیەک لە لایەنگرانی سەرۆکی هەڵبژێردراوی ئەمریکا لە پێش کۆشکی سپی گردبوونەوە و بە بۆنەی سەرکەوتنی بایدن بە سەما و میوزیک خۆشی خۆیان دەربڕی.

ھاوکات لە شارەکانی وەک شیکاگۆ، لۆس ئانجێڵۆس و نیویۆرک و چەند شارێکی دیکە لایەنگرانی بایدن دەستیان بە ئاھەنگگێڕان کرد.