ئەڵمانیا داوای لە ئێران کرد گفتوگۆ لەگەڵ ئەمریکا و ئیسرائیل ئەنجام بدات

بەرلین ــ AA

ڕاوێژکاری ئەڵمانیا، فرێدریش مێرز داوای لە ئێران کرد کە بەپەلە گفتوگۆ و دانوستان لەگەڵ ئەمریکا و ئیسرائیل ئەنجام بدات، ئەوەش بە ئامانجی گەیشتن بە چارەسەری دیپلۆماسی و ھێورکردنەوەی دۆخەکە.

نووسینگەی ڕاوێژکاری ئەڵمانیا لە ڕاگەیاندراوێکدا ئاماژەی بەوەداوە کە فرێدریش مێرز داوای کردووە کە بەپەلە دەست بە ئەنجامدانی گفتوگۆ بکات لەگەڵ ئەمریکا و ئیسرایل، ئەوەش لە پێناو گەیشتن بە چارەسەر دیپلۆماسی بۆ ناکۆکییەکانی نێوانیان.

ڕاشیگەیاندووە کە بەیانی ئەمڕۆ یەکشەممە، ئەنجوومەنی ئاسایشی فیدراڵیی ئەمریکا بەسەرۆکایەتی فرێدریش مێرز کۆبوونەوەیەکی نائاسایی ئەنجامداوە کە لە میانیدا بەدواداچوونی بۆ ھێرشەکانی سەر دامەزراوە ئەتۆمییەکانی ئێران، کردووە.

باسی لەوەش کردووە کە لە ئاکامی ھێرشە ئاسمانییەکانی ئەمریکا و ئیسرائیلدا، بەرنامە ئەتۆمییەکەی ئێران زیانێکی گەورەی بەرکەوتووە.