بۆ ماوەیەک هاتوچۆی ئۆتۆمبێل لە پاریس راگیرا

پاریس – AA

لە میانی هەشتەمین چالاکی "پاریس هەناسە وەردەگرێت"، بۆ ماوەیەک هاتوچۆی ئۆتۆمبێل لە پاریس راگیرا.

ماڵپەڕی فەرمیی شارەوانیی پاریس رایگەیاند لە میانی هەشتەمین چالاکی "پاریس هەناسە وەردەگرێت" کاتژمێر ١١:٠٠-١٨:٠٠ هاتوچۆی ئۆتۆمبێل لە شارەکە راگیرا.

لەو میانەیەدا ئەو گەنجانەی سکۆتەر و ئامێرەکانی هاوشێوە بەکار دەهێنن و ئەوانەیشی بە پیادە دەڕۆن و رادەکەن، چێژێکی خۆش لەو ماوەیەدا دەبینن.

هەر شۆفێرێک بەو بڕیارەوە پابەند نەبێت بە ١٣٥ یورۆ سزا دەدرێت.

ئامرازەکانی گواستنەوەی گشتیی، تاکسی و ئۆتۆمبێلەکانی دۆخی لەناکاو لەو بڕیارە دەبەخشرێن.