سزا داراییەكانی سەر حزبوڵڵا لە لوبنان زۆر سنووردار دەبێت

لە ناو ئەم مانگەدا، بانەكان لە لوبنان دەستیان بە جێبەجێكردنی ئەو سزایان كرد كە ئەمریكا بەسەر نێزیک لە 100 كەسایەتی سەر بە رێکخراوی حزبوڵڵا سەپاندوویەتی و سزاكانیش بریتین لە پێشكەش نەكردنی خزمەتگوزاریی دارایی بۆ ئەو كەسانە.

بەڵام شارەزاییەكی ئابووری لوبنانی لە لێدوانێكدا بۆ ئاژانسی ئانادۆڵو وای دەبینێت، پابەندبوونی بانكەكانی دارایی لوبنانی لە جێبەجێكردنی ئەو سزایانە كاریگەریی زۆر سنوورداریان بەسەر حزبوڵڵا دەبێت چونكە حزبوڵڵا مامەڵە داراییەكانی بێ‌ گەڕانەوە بۆ بانكەكان لە لوبنان ئەنجام دەدات.

لە سەرەتای ئەم مانگە، سەرۆكی بانكی ناوەندی لوبنان ریاز سەلامە بەدەركردنی بڕیارێك رایگەیاند، بانكەكانی لە وڵاتەكەی دەستیان بەجێبەجێكردنی سزا ئەمریكا كە بەسەر 100 كەسایەتی كۆمپانیای حزبوڵڵا سەپێندراوە لەوانەش پێشكەش نەكردنی حزمەتگوزاری بۆ ئەو كەس و دەزگایانە.

شارەزای بواری دارایی و ئابووری و نووسەر لە كۆمەڵێ‌ رۆژنامەكانی لوبنان غازی وەزنی رایدەگەیەنێت، سزاكانی ئەم دواییەی ئەمریكا كە لە كانوونی یەكەمی ساڵی 2015 بەسەر 100 كەسایەتی و دەزگا دیارەكانی حزبوڵڵا سەپێندراوە، بۆ تەواوكردنی یاسا پەیوەستدارەكانە بە شووشتنەوەی پارە و لەناوبردنی هاوكارییە داراییەكانی تیرۆر و لەناوبردنی هاوكارییە داراییەكانی حزبوڵڵا چ لەناو لوبنان یان لە دەرەوە.

لە 18ی مانگی كانوونی ساڵی 2015، سەرۆكی ئەمریكا باراك ئۆباما بڕیارێكی واژۆ كرد كە تایبەت بوو بە سزادانی مانگە دەستكردنەكان كە خزمەتگوزاری پێشكەش بە كەناڵی ئاسمانی مەنار سەربە حزبوڵڵا دەكەن و هەر لەو بڕیارە هەڕەشەی سەپاندنی سزا بەسەر بانكە بیانییەكان هەروەها بانكەكانی لوبنانیش ئەگەر ئاسانكاری دارایی بۆ ئەو كەسایەتیانەی حزبوڵڵا كە ناویان لە لیستی ئەمریكادا هاتووە، كراوە.

وەزنی راشیگەیاندووە، حزبوڵڵا خاوەن هیچ حیسابێكی بانكی نییە كە ئەمەش ئاسانكاری بۆ ئەو بانكانە دروست دەكات لەوەی سزاكەی ئەمریكا جێبەجێ بكەن.

لە كۆتاییدا شارەزای بواری دارایی و ئابووری، غازی وەزنی روونی دەكاتەوە، پرۆسەی دارایی حزبوڵڵا بەشێوەی نەختینە و راستەوخۆ ئەنجام دەدرێت نەك بە رێگەی بانكە داراییەكان لە لوبنان.

بەپێی زانیارییەكان، سزاكەی ئەم دواییە ئەمریكا بەسەر هەشت كۆمپانیا و 92 كەسایەتی حزبوڵڵا سەپێندراوە.