فڕۆكەیەكی سەربازیی لە جەزائیر کەوتە خوارەوە

جەزائر ــ AA

میدیاكانی جەزائر بڵاویان كردەوە كە فڕۆكەیەكی سەربازیی لە نزیك فڕۆكەخانەی بوفاریكی سەربازی لە شاری بلیدە باكووری جەزائر تێكشكاوە و کەوتووەتە خوارەوە.

كەناڵی نەهار ـ ی جەزائیری ئەهلی رایگەیاندووە كە فڕۆكە سەربازییەكە لە نێوان فڕۆكەخانەی بوفاریك و شاری بلیدە تێكشكاوە كە بە هۆیەوە سەرجەم سەرنشینانی نێو فڕۆكەكە گیانیان لەدەستداوە كە لە ئێستادا ژمارەیان نەزانراوە.

بە پێی سەرچاوە ئەمنییەكان، فڕۆكە تێكشكاوەكە لە جۆری ئەلیوشین بووە كە تایبەت بە گواستنەوەی كەلوپەلی سەربازی.

یەكە تایبەتییەكان بۆ هەڵسەنگاندنی رەوشەكە رەوانەی شوێنی رووداوەكە كراون.