فڕۆكەیەكی نەفەر هەڵگری میسری ون بووە

وەزارەتی فڕۆكەوانی مەدەنی میسر ئاشكرای كرد، فڕۆكەیەكی نەفەر هەڵگری وڵاتەكەی كە لە گەشتێكدا لە پاریسەوە بەرەو قاهیرە دەچوو دوای چوونە نێو ئاسمانی میسرەوە بە 10 میل و لەسەر ئاسمانی دەریایی ناوەڕاست دیار نەماوە و ون بووە.

لە بەیاننامەكەدا وەزارەتی فڕۆكەوانی مەدەنی ئاماژە بەوە دەكات، فڕۆكە ونبووەكە، 66 سەرنشین و 10 كارمەندی دەستەی فڕۆكەوانی هەڵگرتبوو.

لە بەیاننامەكەدا ئاماژە بەوە دراوە، وەزارەتی فڕۆكەوانی مەدەنی میسر لە ئێستادا زانیاری لەبارەی هۆكاری تەكنیەكی كە ئەگەری هەیە بووەتە هۆی رووداوی ونبوونی فڕۆكەكە، كۆدەكاتەوە.

كۆمپانیای میسر بۆ فڕۆكەوانی، لە بەیاننامەیەكدا رایگەیاند، ئەمڕۆ لە گەشتی ژمارەی MS804، لە فڕۆكەخانەی دیجۆڵ فڕ‌وكەیەكی میسر بەرەو قاهیرە گەشتی كردووە بەڵام لە کاتەکانی زووی بەرەبەیانی ئەمڕۆ، فڕۆكەكە بە سەرنشینەكانیەوە كە 66 سەرنیشن و 10 كارمەندی دەستەی فڕۆكەوانی هەڵگرتبوو لە سەر دەریایی ناوەڕاست لەپاش بچڕانی پەیوەندی لەگەڵ راداری فڕۆكەخانە ون بووە.

لە ئێستاشدا گومان و پیێشبینی دەكرێت، فڕۆكەكە تێكشكابێت و كەوتووبێتە نێو دەریایی ناوەڕاستەوە.

هەژیی گۆتنە فڕۆكە ونبووەكەی میسری لە جۆری ئێرباس ئەی 320یە.