كەركووك.. پێشهاتی ئەمنی
- لە سنووری پارێزگای كەركووك، داعش دوو هاووڵاتی مەدەنی كوشت و سێی دیكەشی رفاند.
Iraq
كەركووك ــ AA
ئەفسەری پۆلیس، نەقیب حامد عوبێدی رایگەیاند، داعش لە سنووری پارێزگای كەركووك دوو هاووڵاتی مەدەنی كوشتووە و سێی دیكەشی رفاندووە.
حامد عوبێدی بۆ ئاژانسی ئانادۆڵو گوتی: "ژمارەیەك تیرۆریستی داعش كە جلوبەرگی هێزە ئەمنییەكانیان پۆشیبوو، بازگەیەكی ساختەیان لەسەر رێگەی قەزای حەویجە باشووری رۆژئاوای شاری كەركووك دانابوو".
ناوبراو ئاماژەی بەوەشدا كە تیرۆریستەكانی داعش لەو بازگەیە، دوو مەدەنییان كوشتووە و سێی دیكەشیان رفاندووە و دواتر بەرەو شوێنێكی نادیار هەڵاتوون.
لە ماوەی چەند هەفتەی رابردوودا، تیرۆریستانی داعش لە سنووری پارێزگاكانی كەركووك، دیالە و ئەنبار پەلاماری لەو جۆرە ئەنجام دەدەن كە مەترسی و نیگەرانی لای دانیشتوانی ئەو پارێزگایانە دروستكردووە.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن