چیای گڕكانی سه‌مه‌روو له‌ ئێندۆنیزیا ته‌قییه‌وه‌

جاكارتا – AA

چیای گڕكانی سه‌مه‌روو له‌ ویلایه‌تی جاڤای رۆژهه‌ڵات له‌ ئێندۆنیزیا ته‌قییه‌وه‌.

چیای گڕكانی سه‌مه‌رو له‌ ناوچه‌ی لوماجانگ کە بەرزاییەکەی سێ هەزار و ٦٧٦ مەترە، تەقییەوە و خۆڵه‌مێش و دووكه‌ڵی گڕكانه‌كه‌ ناوچه‌ نیشته‌جێبوونه‌كانی ده‌وروبه‌ری تەنیوە.

به‌رپرسی ناوچه‌ی لوماجانگ، ترۆریكول هاک به‌ كه‌ناڵی TVOne راگه‌یاند به‌هۆی خۆڵه‌مێش و دووكه‌ڵی گڕكانه‌كه‌وه‌ چه‌ند گوندێک به‌ ته‌واوی تاریک بوون و سه‌دان كه‌سیش گوازراونه‌ته‌وه‌ ناوچه‌ی پارێزراو.

به‌پێی زانیارییه‌ به‌رایییه‌كان، ته‌قینه‌وه‌ی گڕکانەکە هیچ زیانێکی گیانی لێنەکەوتووەتەوە.

ئێندۆنیزیا كه‌ ده‌كه‌وێته‌ "پشتێنه‌ی ئاگرینی زه‌ریای هێدی" نزیكه‌ی ١٣٠ چیای گڕكانی چالاكی لێیه‌.