پەیەدە پەلاماری خاڵی چاودێری سوپای تورکیا لە سووریا دەدات

ئیدلب - AA

بە پێی زانیاریەکانی پەیامنێری ئاژانسی ئانادۆڵو، چەکدارانی پەیەدە لە شارۆچکەی عەفرین پێنج گولـلە تۆپیان ئاراستەی خاڵێکی چاودێری دارەت عیزە کردووە لە نێوان ئیدلب و عەفرین کە بەدەست هێزەکانی سوپای تورکیاوەیە.

یەکێک لە تۆپەکان بە دووری ١٠٠ مەتر لە خاڵی چاودێریی سوپای تورکیاوە لە نزیک قەلای سەمعان داوێتی بەزەویدا و ئەوانەی تریش ناوچە سیڤیلنشینەکانی گرتۆتەوە.

پەلامارەکە لە خاڵی چاودێری، هیچ قوربانیەکی لێنەکەوتۆتەوە.

سوپای تورکیاش بە تەقەکردن بەرپەرچی پەلامارەکەی داوەتەوە.