بارزانی پێشوازی لە نێردراوی تایبەتی ئاسایشی حکوومەتی بەریتانیا کرد

لە سەڵاحەدین سەرۆكی ھەرێمی كوردستان مەسعود بارزانیپێشوازی لە جەنەڕاڵ تۆم بەكێت نێردراوی تایبەتی ئاسایشی حكوومەتی بەریتانیا بۆ ھەرێمی كوردستان و راوێژكاری سەربازیی بەریتانیا بۆ خۆرھەڵاتی ناوەڕاست و شاندێكی یاوەری كرد.
بەپێی ھەوالێكی ماڵپەری سەرۆكایەتی ھەرێمی كوردستان لەدیدارەكەدا نێردراوی تایبەتی ئاساییشی حكوومەتی بەریتانیا پیرۆزبایی سەركەوتنەكانی ھێزی پێشمەرگەی لە ئازادكردنی شنگال و شكستدانی تیرۆریستان كرد و پێزانینی بۆ رۆڵی سەرۆكی ھەرێمی كوردستان لە سەركردایەتیكردنی ئەو سەركەوتنانەدا ھەبوو و رایگەیاند كە جیھان رێزی ھەیە بۆ رۆڵی میحوەریی پێشمەرگە كەلەسەر ئەرزی واقعدا رووبەڕووی تیرۆریستان بووەتەوە. لەگەڵ ئەوەیشدا ئاگاداری ئەو گوشارە ئابوورییانەن كە لە ئەنجامی تێچوونەكانی شەڕ و ھاتنی ئاوارەكان و دابەزینی نرخی نەوت بەرۆكی ھەرێمی كوردستانی گرتووە.
لەبەرانبەردا سەرۆكی هەرێمی كوردستان، سوپاسی هەڵوێستی بەریتانیا و وڵاتانی هاوپەیمانی كرد كە لە شەڕەكاندا پاڵپشتی هێزی پێشمەرگە بوون و پشتیوانییەكانی ئاسمانیی بە كاریگەر وەسف كرد.
لە بەشێكی دیكەی كۆبوونەوەكەدا سەرۆكی هەرێمی كوردستان مەسعود بارزانی باسی لە بارودۆخی مەیدانیی بەرەكانی شەڕ و ئۆپەڕاسیۆنی ئازادكردنی شنگال كرد و هەروەها تیشكی خستەسەر قوربانیدانی پێشمەرگە و خۆڕاگریی گەلی كوردستان لە تێپەڕاندنی تەحەدیاتەكان.
لە كۆبوونەوەكەدا باس لە پێداویستییەكانی سەربازیی هێزی پێشمەرگەی كوردستان لە بەرەكانی شەڕ كرا. بارودۆخی سیاسیی و ئەمنی ناوچەكە و هەروەها ئاییندەی عێراق و قۆناغی دوای داعش و چۆنییەتی رووبەڕووبوونەوەی هزری توندڕەوی تەوەری دیكەی