بارزانی پێشوازی لە وەزیری ناوخۆی عێراق دەکات

هەولێر - AA

ئەمڕۆ شەممە، سەرۆکی پێشووی ھەرێمی کوردستان مەسعود بارزانی پێشوازی لە وەزیری ناوخۆی حکوومەتی فیدڕاڵی عێراق عوسمان غانمی کرد.

بەپێی ھەواڵێکی بارەگای بارزانی، لە کۆبوونەوەیەک دا بارودۆخی ئەمنی و دواپێشھاتەکانی عێراق و ھەماھەنگیی نێوان ھەرێمی کوردستان و حکوومەتی عێراقی فیدڕاڵ لە رووبەڕووبوونەوەی تەحەددیاتی ئەمنی و تیرۆر تاوتوێکرا.

ئەوەش خراوەتەڕوو کە لە کۆبوونەوەکەدا جەخت لە سەر جێبەجێکردنی رێککەوتنی ئاساییکردنەوەی بارودۆخی شنگال کرایەوە.

پەیوەندییەکانی نێوان ھەرێمی کوردستان و حکوومەتی عێراقی فیدڕاڵ تەوەرێکی دیکەی دانیشتنەکە بووە.