هێرشی ئاسمانیی سوپای تورکیا بۆ سەر دەورووبەری ماردین و هەکاری

ئەنقەرە - AA

لە دوو هێرشی ئاسمانیی سوپای تورکیادا بۆ سەر هەریەک لە ناوچەکانی دەورووبەری ماردین و هەکاری، ١١ تیرۆریست کوژران.

لە زانیارینامەیەکدا کە لەلایەن سوپای تورکیاوە بڵاوکراوەتەوە، ئاماژە بەوەکراوە پێگەی ژمارەیەک تیرۆریست کە لە شارۆچکەی دارگەچیتی سەربە ماردین بوون و ئامادەکارییان بۆ ئەنجامدانی هێرش و پەلامار کردووە، دەستنیشانکراوە.

دوای ئەوەش لە هێرشێکی ئاسمانیی فڕۆکە جەنگییەکانی سەر بە فەرماندەیی هێزە ئاسمانییەکانی سوپای تورکیادا، ٨ تیرۆریست کە لە رێگەی ئامرازەکانی چاودێرییکردەوە، دەستنیشانکران، کوژران و دوو سەکۆی چەکیش تێکشکێنرا.

هاوکات هێرشی ئاسمانیی کرایە سەر چەند تیرۆریستێک کە لە دەورووبەری هەکاری ئامادەکارییان بۆ ئەنجامدانی هێرش و پەلامار دەکرد.

لەئەنجامی هێرشەکەشدا ئەشکەوتێک خاپوورکرا و ٣ چەکداری رێکخراوی تیرۆریستیی جوداخواز، کوژران.