بوومەلەرزەیەکی سووک رۆژھەڵاتی عێراقی ھەژاند

ھەولێر ــ AA

بوومەلەرزەیەک بەگوڕی ٣،٦ پلە بەپێوەری رێختەر، باشووری رۆژھەڵاتی ناحیەی مەندەلی سەربە پارێزگای دیالە رۆژهەڵاتی عێراقی ھەژاند

نووسینگەی راگەیاندنی وەزارەتی گواستنەوەی عێراق لە راگەیەندراوێکدا ئاماژەی بەوەداوە کە روانگەی بوومەلەرزەزانی سەربە دەستەی گشتیی کەشناسی رایگەیاندووە، بوومەلەرزەیەک بەگوڕی ٣،٦ پلە بەپێوەری رێختەر لە دووری ١٥ کیلۆمەتر باشووری رۆژھەڵاتی ناحیەی مەندەلی سەربە پارێزگای دیالە، روویداوە.

بەپێی راگەیەندراوەکە، دانیشتوانی ناحیەی مەندەلی و دەورووبەری ھەستیان بە بوومەلەرزەکە نەکردەووە.

لە راگەیەندراوەکەدا ئەوە نەخراوەتەڕوو لەوەی ئایە بوومەلەرزەکە، زیانی گیانی و ماددەیی لێکەوتووەتەوە یاخود نا.