لە ئاکامی رووداوێکی ھاتوچۆ لە رۆژھەڵاتی عێراق شەش کەس گیانیان لەدەست دا

ھەولێر ــ AA

بەھۆی رووداوێکی ھاتوچۆ لە پارێزگای دیالە رۆژھەڵاتی عێراق، شەش کەس گیانیان لەدەست دا و یەکێکی دیکەیش برینداربوو.

سەرچاوەیەکی ئەمنی لە پارێزگای دیالە بە میدیا عێراقییەکانی راگەیاندووە کە رووداوێکی ھاتوچۆ لە ناوچەی شێخ سەعید لەسەر رێگای شاری باقووبە سەنتەری پارێزگای دیالە و قەزای شارەبان (میقدادییە) باکووری رۆژھەڵاتی دیالە روویداوە.

بەگوتەی سەرچاوەکە بەھۆی رووداوەکەوە، شەش کەس گیانیان لەدەستداوە و یەکێکی دیکەیش برینداربوو.

سەرچاوەکە زانیاری زیاتری لەوبارەیەوە نەخستووەتەڕوو.