دەستگیرکردنی تیرۆریستێکی داعش لە رۆژهەڵاتی عێراق

ھەولێر ــ AA

سوپای عێراق دەستگیرکردنی تیرۆریستێکی داعشی لە پارێزگای دیالە رۆژھەڵاتی ئەو وڵاتە، راگەیاند.

شانەی راگەیاندنی ئەمنی سەربە فەرماندەیی ئۆپەراسیۆنە ھاوبەشەکانی عێراق لە راگەیەندراوێکدا ئاماژەی بەوەداوە کە ھێزەکانی فیرقەی یەک سەربە فەرماندەیی ئۆپەراسیۆنەکانی دیالە، ئۆپەراسیۆنێکیان بە ئامانجی راوەدوونانی پاشماوەکانی رێکخراوی تیرۆریستیی داعش لە ناوچەی حاوی عوزێم باکووری پارێزگای دیالە ئەنجامداوە.

بەپێی راگەیەندراوەکە لە میانی ئۆپەراسیۆنەکەدا، تیرۆریستێکی داعش دەستگیرکراوە، ھەروەھا حەشارگەیەکیش خاپوورکراوە.

سەرەڕای ئەوەی ھێزە عێراقییەکان داعشیان لە ناوچەکان شکست پێ ھێناوە، بەڵام شانە نووستووەکانی رێکخراوەکە تا ئێستا بەردەوامن لەسەر پەلامارەکانیان بەتایبەت لە ناوچەکانی سەربە پارێزگاکانی نەینەوا، کەرکووک، دیالە، سەڵاحەددین و ئەنبار.