سیی و سێیەمین ساڵیادی کیمیابارانکردنی ھەڵەبجە

ھەولێر ــ AA

ئەمڕۆ لە زۆربەی شارو شارۆچکەکانی ھەرێمی کوردستان، سیی و سێیەمین ساڵیادی کیمیابارانکردنی شاری ھەڵەبجە کرایەوە.

لە ناحیەی سیروان دەروازەی شاری ھەڵەبجە، ژمارەیەک مامۆستا و قوتابی بۆ پێشوازیکردن لەو میوانانەی کە بەمەبەستی بەشداریکردن لە ریورەسمی سیی و سێیەمین ساڵیادی کیمیابارانکردنی شاری ھەڵەبجە بە ئاڵای کوردستان، ئاڵای رەشپۆش و ئاڵای سپی لەسەر شەقامەکەدا راوستاون.

لەمبارەیەوە بەڕێوەبەری قوتابخانەی سیروانی بنەڕەتی، ھێرش شەفیق ساڵح بە ئاژانسی ئانادۆڵوی راگەیاند کە ئەمڕۆ لە چوارچێوەی چالاکییەکانی یادکردنەوەی کیمیابارانکردنی ھەڵەبجەدا، وەک ئەرکێکی ئەخلاقی، نەتەوەیی و نیشتمانیی بە ئاڵای کوردستانەوە، پێشوازی لەو میوانانە دەکەن کە بۆ بەشداریکردن لە یادەکەدا، سەردانی ھەڵەبجە دەکەن.