سەرۆکوەزیرانی عێراق پێشوازی لە نێردەی سەرۆکی ئەمریکا بۆ سووریا کرد

ھەولێر ــ AA

سەرۆکوەزیرانی عێراق، محەمەد شیاع سوودانی پێشوازی لە نێردەی تایبەتی سەرۆکی ئەمریکا بۆ کاروباری سووریا، تۆم باراک کرد.

بە پێی ڕاگەیاندراوێکی نووسینگەی ڕاگەیاندنی سەرۆکوەزیرانی عێراق، لە میانی دیدارەکەدا باس لەو پرۆسەیە کراوە کە عێراق لە ڕێگەیەوە بتوانێت بەردەوام بێت لە پاڵپشتیکردنی سەقامگیری، ئاسایش، خۆشگوزەرانی و بووژانەوەی ئابووری سووریا کە لە ھەمان کاتدا سەقامگیری و خۆشگوزەرانی عێراقیش بەھێزتر بکات.

هەروەها هاتووە، لە دیدارەکەدا، بیروڕا لەبارەی ڕێگریکردن لە گرژی زیاتر لە ناوچەکە ئاڵوگۆڕ کراوە. ھەروەھا گرتنەبەری ڕێگەچارەی دیپلۆماسی بۆ چارەسەر ناکۆکییەکان و ئاراستەکردنی ناوچەکە بە ڕێگای ھاوکاری و گەشەی ئابووری و سەقامگیری درێژخایەن.

ئەوەشی خستووەتەڕوو لە دیدارەکەدا، تۆم باراک جەختی لەو ڕۆڵی بنیاتنەر و گرنگی عێراق کردووەتەوە بۆ دەستپێڕاگەیشتن بەو ئامانجانە.