یەكەمین پێشانگای نێودەوڵەتیی کتێب لە زاخۆ كرایەوە

دهۆک - AA

لە ئیدارەی سەربەخۆی زاخۆ، یەکەمین پێشانگای نێودەوڵەتی بۆ کتێب كرايەوە.

پێشانگاکە زیاتر لە ٢٠ هەزار ناونیشانی جیاوازی کتێب لە خۆدەگرێت و ٥٠ دەزگای چاپ و بڵاوکردنەوە لە ١٠ وڵاتی جیاوازە بەشداریی تێدا دەکەن.

سەرۆکی پارتی دیموکراتی کوردستان مەسعود بارزانی یەکەمین پێشانگای نێودەوڵەتی کتێبی لە زاخۆی كردەوە و هیوای پێشکەوتنی زیاتری بۆ زاخۆ خواست.

بارزانی دوای بەسەرکردنەوەی بەشداربووان، گوتەیەکی پێشکەش کرد و گوتی: "دوێنێ لە جزیرە بووم و ئەمڕۆ لە زاخۆ بەشداریمان لە کردنەوەی ئەم پێشانگایەدا کرد کە بەڕاستی جێگای دڵخۆشییە".

سەرۆکی پارتی دیموکراتی کوردستان مەسعود بارزانی زاخۆی بە شاری هونەر و کولتوور وەسف کرد و ڕایگەیاند: "زاخۆ جێی هونەر و كولتوور و پێشمەرگایەتییە".

یەكەمین پێشانگای نێودەوڵەتیی کتێب لە زاخۆ بۆ ماوەی شەش ڕۆژ بەردەوام دەبێت، ڕۆژانە لە کاتژمێر ١٠ی بەیانی تا شەشی ئێوارە کراوە دەبێت.

بڕیارە لە پەراوێزی ڕۆژانی پێشانگەکەدا، کۆمەڵێک چالاکی ڕۆشنبیری و ئەدەبی جۆراوجۆر پێشکەش بکرێن.