عێراق.. دەستگیرکردنی بەرپرسی شانە نووستووەکانی داعش لە کەرکووک

ھەولێر ــ AA

بەرپرسی شانە نووستووەکانی داعش لە پارێزگای کەرکووک باکووری عێراق لەلایەن ھێزەکانی ئاژانسی ھەواڵگریی سەربە وەزارەتی ناوخۆی عێراق، دەستگیرکرا.

وەزارەتی ناوخۆی عێراق لە راگەیەنراوێکدا ئاماژەی بەوەداوە کە ھێزەکانی ئاژانسی ھەواڵگریی سەربە بەڕێوەبەرایەتی ھەواڵگریی کەرکووک، گەورە تیرۆریستیکان بە ناوی (ئەبو تەڵحە) لە پارێزگای کەرکووک دەستگیرکردووە کە بەپێی ماددەی چواری تیرۆر بەتۆمەتی ئەندامبوون لە داعش داواکرابوو.

ئاماژە بەوەیشدراوە کە گەورە تیرۆریستە دەستگیرکراوەکە، بەرپرسی شانە نووستووەکانی داعش بووە لەنێوان پارێزگاکانی کەرکووک و نەینەوادا.

بەپێی راگەیەنراوەکە،دەستگیرکراوەکە لە میانی لێکۆڵینەوە بەراییەکاندا، دانی بەوەداناوە کە بەشداری لە ھاندان دژبە ھێزەکانی پێشمەرگە کردووە لە چیای باشیک، ھەروەھا بەشداریشیکردووە لە شەڕەکانی دژبە ھێزە ئەمنییەکان لە بەشی رۆژھەڵاتی مووسڵ.