عێراق.. دەستگیرکردنی شانەیەکی سەربە داعش

ھەولێر ــ AA

وەزارەتی ناوخۆی عێراق رایگەیاند کە شانەیەکی رێکخراوی تیرۆریستیی داعش کە لە پێنج ئافرەت پێکھاتوون لە پارێزگای پارێزگای سەڵاحەددین باکووری عێراق، دەستگیرکراون.

فەرماندەیی فیرقەی بەرپەرچدانەوەی خێرا سەربە وەزارەتی ناوخۆی عێراق لە راگەیەنراوێکدا بڵاویکردەوە کە ھێزەکانی لیوای سێ سەربە فەرماندەیی فیرقەی بەرپەرچدانەوەی خێرا، پێنج ئافرەتیان لە ناحیەی سلێمان بەگ رۆژھەڵاتی پارێزگای سەڵاحەددین بەپێی ماددەی چواری تیرۆر، دەستگیرکردووە.

ئاماژە بەوەیشدراوە کە ئافرەتە دەستگیرکراوەکان دانیان بەدوەداناوە کە سەربە داعشن و باس لەوەشکراوە کە دەستگیرکراوەکان بە ئامانجی تەواوکردنی رێوشوێنە یاساییەکان لە بەرامبەریان، رەوانەی لایەنی پەیوەندیدارکراون.

ھەر لەوبارەیەوە سەرچاوەیەک لە پۆلیسی پارێزگای سەڵاحەددین کە نەیویست ناوی ئاشکرا بکرێت بە ئاژانسی ئانادۆڵوی رایگەیاند کە ئافرەتە دەستگیرکراوەکان، شانەیەکی ھەواڵگرییان پێکھێنابوو کە ئەرکیان کۆکردنەوەی زانیارییە تایبەتەکان بوو لەسەر ئامانجە داواکراوەکان لە لایەن داعشەوە.