لە شاری سلێمانی ئامادەکارییەکان بۆ پێشوازی لە ساڵی نوێ درێژەی هەیە

سلێمانی – AA

لە شاری سلێمانی ئامادەکارییەکان بۆ پێشوازی کردن لە ساڵی نوێ بەردەوامە.

شەقامە سەرەکییەکان، مۆڵ، بازاڕ و یەکەکانی نیشتەجێبوون بە جۆرەها ڕووناکی ڕەنگاوڕەنگ ڕازێندراونەتەوە بۆ پێشوازی کردن لە ساڵی نوێ.

لەگەڵ ئەوەی دۆخی دارایی هاووڵاتیان لە هەرێمی کوردستان-عێراق بەهۆی دواکەوتنی مووچە باش نییە، بەڵام ئەمە نەبووەتە هۆی ئەوەی ئامادەکاری بۆ پێشوازی لە ساڵی نوێ نەکرێت.

لە تەواوی مۆڵەکان و تەلارە بازرگانییەکان و هۆتێلەکان و شوێن گشتییەکان ئامادەکاری تەواو کراوە بۆ پێشوازی لە ساڵی نوێ.

لەلایەکی دیکەوە، هێزە ئەمنییەکان ڕێوشوێنی ئەمنیی تەواویان گرتووەتە بەر بۆ دەستەبەرکردنی ئاسایشی هاووڵاتیان و بەڕێوەچوونی پێشوازییەکە بە سەلامەتی.​​​​​​​