مه‌سرور بارزانی له‌ ساڵیادی كۆچی دوایی تاڵه‌بانی دا په‌یامێكی بڵاوكرده‌وه‌

هه‌ولێر - AA

لە سێیەمین ساڵیادی کۆچی دوایی سەرکۆماری پێشووتری عێراق و سکرتێری گشتی پێشووی یەکێتیی نیشتمانیی کوردستان، جەلال تاڵەبانی، سەرۆکی حکوومەتی ھەرێمی کوردستان مەسرور بارزانی پەیامێکی بڵاوکردەوە و تیایدا ئاماژەی بە رۆڵی تاڵەبانی دەکات لە بزووتنەوەی سیاسیی کوردستان و عێراقدا.

لە پەیامەکەی سەرۆکی حکوومەتی ھەرێمی کوردستان مەسرور بارزانی دا ھاتووە: ''لە سێیەمین ساڵیادی کۆچی دوایی مام جەلال، رێزو پزانینم بۆ خەبات و رۆڵی دیاری بەڕێزیان ھەیە لە بزووتنەوەی سیاسی کوردستان و عێراقدا''.

لە بەشێکی دیکەی پەیامەکەیدا، سەرۆکی حکوومەتی ھەرێمی کوردستان دەڵێت: ''پێزانینم ئاراستەی کاک بافڵ و کاک قوباد و شوێنکەوتووە راستەقینەکانی مام جەلال دەکەم، ھیوادارم یادی مام جەلال، ھاندەر بێت بۆ یەکڕیزی و تەبایی گەلەکەمان''.

رۆژی ٣ی تشرینی یەکەمی ٢٠١٧، سەرکۆماری پێشووتری عێراق و، سکرتێری گشتی یەکێتیی نیشتمانیی کوردستان، جەلال تاڵەبانی دوای مانەوەی چەند مانگێک لە یەکێک لە نەخۆشخانەکانی ئەڵمانیا، کۆچی دوایی کرد.