Sarmand Hameed
06 تشرینی یەکەم 2020•نوێکردنەوە: 07 تشرینی یەکەم 2020
هەولێر - AA
سەرۆکی هەرێمی کوردستان، نێچیرڤان بارزانی بەبۆنەی هاتنەوەی جەژنی جەمایێ پیرۆزبایی لە ئێزدییەکان لە هەرێمی کوردستان و هەموو جیهان کرد و هیوای خواست ئەم جەژنە بە ئارامی و خێر و خۆشی بەڕێ بکەن.
دەقی پەیامی سەرۆکی هەرێمی کوردستان
جەژنا جەمایێ ل تەڤایا خوشک و برایێن ئێزدی ل کوردستانێ و ل ھەر جھەکێ جیھانێ بن پیرۆز دکەم، ھیڤیدارم جەژنەکە ئارام و تەنا ب خێر و خۆشی دەرباز بکەن و جەژن و بیرھاتنێن داھاتی، د ڕەوشەکە باشتردا بۆ ھەمیان ڤەگەڕن.
د ڤێ جەژنێدا کو ڤێ جارێ بێی مەزنێ ئۆلی یێ ئێزدییان خودێ ژێ ڕازی بابێ شێخ و بێی ڕێوڕەسم ڤەدگەڕیت، جارەکا دی سلاڤان ژ جانێ وی ڕا دھنێرین، وی و کار و خزمەتا وی یا ژبۆ ئێزدیاتیێ ب ڕێز و پێزانین ب بیر تینین.
د ڤێ ھەلکەفتنێدا جارەکا دی ھەمی خوشک و برایێن ئێزدی پشتڕاست دکەین کو ھەتا خوشک و برایەکێ مەیێ ئێزدی، ڕەڤاندی و بێسەروشوین مابیت، ئەم دێ لسەر ھەولێت ڕزگارکرن و ئاشکراکرنا چارەنڤیسێ وان بەردەوام بین.
دیسا جەما ل ھەمیان پیرۆز بیت، ھەر سال ب خێر و خۆشی.
نێچیرڤان بارزانی
سەرۆکێ ھەرێما کوردستانێ
٢٠٢٠/١٠/٦
