ژمارەی قوربانییانی تەقینەوەکەی دهۆک گەیشتە ٣٧ کەس

هەولێر - AA

ژمارەی ئەو کەسانەی کە لە ئاکامی تەقینەوەی تانكییه‌كی گازی شل له‌ شاری دهۆك بوونە قوربانی، بەرزبووەوە بۆ ٣٧ کەس.

وەزارەتی تەندروستیی هەرێمی کوردستان لە راگەیەندراوێکدا ئاماژەی بەوە داوە کە درەنگانی شەوی رابروو، تەقینەوە و ئاگرکەوتنەوە لە یەکێک لە بەشە ناوخۆییەکان لە شاری دهۆک روویداوە.

راشیگەیاندووە کە لە ئاکامی رووداوەکەدا، چوار کەس گیانیان لەدەستداوە و ٣٣ی دیکەیش برینداربوون.

باسی لەوەشکردووە کە ژمارەیەک لە بریندارانی رووداوەکە، رەوشیان خراپە و لەژێر چاودێری چڕی پزیشکیدان.

ئەوەیشی خستووەتەڕوو کە وەزیری تەندروستیی، سامان بەرزنجی سەردانی شاری دهۆک-ی کردووە و بریندارانی رووداوەکەی لە نەخۆشخانە بەسەرکردووەتەوە.