کاروانێکی دیکەی ڤاکسینی کۆرۆنا گەیشتە عێراق

ھەولێر ــ AA

کاروانێکی دیکەی ڤاکسینی کۆرۆنا لە جۆری فایزەر کە یەک ملیۆن و ١٥٥ ھەزار دۆزە، گەیشتە عێراق.

وەزارەتی تەندروستیی و ژینگەی عێراق لە راگەیەنراوێکدا ئاماژەی بەوەداوە کە ئەمڕۆ یەکشەممە، کاروانێکی دیکەی ڤاکسینی کۆرۆنا لە جۆری فایزەر، گەیشتووەتە عێراق کە یەک ملیۆن و ١٥٥ ھەزار دۆزە.

بەپێی راگەیەندراوەکە، ڤاکسینەکان بەسەر سەرجەم بنکە و فەرمانگە تەندروستییەکانی پارێزگاکانی عێراق و ھەرێمی کوردستان دابەشکراون.

ئەمەیش لە کاتێکدایە تا ئێستا، چوار ملیۆن و ٨٠٧ ھەزار و ١٧٩ کەس لە عێراق، دۆزی یەکەم و دووەمی ڤاکسینی کۆرۆنایان وەرگرتووە.