کۆبوونەوەی سەرکۆماری عێراق و راوێژکاری سەرۆکی کۆریای باشوور بۆ کاروباری دەرەوە

بەغدا ــ AA

سەرکۆماری عێراق، بەرھەم ئەحمەد ساڵح لە کۆشکی سەلام لە بەغدا پێشوازی کرد لە راوێژکاری سەرۆکی کۆریای باشوور بۆ کاروباری دەرەوە، ھان پیۆنگ دوو و کۆبوونەوە.

بەپێی راگەیەندراوێکی سەرۆکایەتی کۆمار لە کۆبوونەوەکەدا سەرکۆمار، بەرھەم ئەحمەد ساڵح ئاماژەی بەگرنگی پەیوەندی دۆستانەی نێوان عێراق و کۆریای باشوور کرد و باسی لە رۆڵی کاریگەری حکوومەت و کۆمپانیاکانی کۆریای باشوور کرد لە بنیاتنانەوە و ئاوەدانکردنەوەی عێراقدا، بەتایبەتیش ناوچە کۆنتڕۆڵکراوەکان.

جەختیشکراوەتە لەسەر گرنگی سوودوەرگرتن لە پسپۆڕی و ئەزموونی کۆریا لە بنیادنانەوەی عێراقدا.

لای خۆیەوە، ھان پیۆنگ دوو خۆشحاڵی خۆی نیشاندا سەبارەت بە بەردەوامبوونی ھاوکارییەکانی نێوان ھەردوو وڵات و رایگەیاند، کۆریای باشوور دەیەوێت زیاتر پەرە بدات بە پەیوەندییەکانی لەگەڵ عێراق.

بەشداریکردنی کۆمپانیاکانی کۆریای باشوور لە پەرەپێدانی ژێرخانی ئابووری عێراق لە سەرجەم بوارەکاندا، بەتایبەتی لە بوارەکانی نەوت و ووزەدا گفتوگۆی لەبارەوە کراوە.