جۆکۆڤیچ بووە پاڵەوانی ئوستوڕالیای کراوە

لە یاری كۆتایی پاڵەوانێتی ئوستڕاڵیای كراوە بۆ یاری تێنسی سەر زەوی لەسەر ئاستی کوڕان، نۆڤاک جۆکۆڤیچی سڕبی و ریزبەندی یەکەمی جیهان بە سێ کۆمەڵەی بێ بەرامبەر لە ئەندی مۆڕای بەریتانی و دووەمی رزیبەندی بردەوە و بووە پاڵەوانی جامەکە.

لە تەواوی یارییەکەدا ئەستێرە سربیەکە باڵادەستی خۆی نواند و توانی هەرسێ کۆمەڵە لە بەرژەوەندی خۆی تەواو بکات.

ئەنجامی کۆمەڵەکان بەم شێوەیە بوو: ٦-١ ، ٧-٥، ٧-٦

جێگای باسە یاریزان نۆجاک جۆکۆڤیچ پێشوتریش لە ساڵانی ٢٠٠٨، ٢٠١٢، ٢٠١٣ و ٢٠١٥ ئەو جامەی بەدەست هێنابوو

پاڵه‌وانێتی كراوه‌ی ئوستڕاڵیا، یه‌كه‌م پاڵه‌وانێتییه‌ له‌ نێو چوار پاڵه‌وانێتییه‌ گه‌وره‌كه‌ی جیهان کە بە گراندسلام ناسراوە و له‌ شاری ملبۆرن به‌ڕێوه‌ ده‌چێت.