سلێمانی..چەند چالاکییەک بۆ توشبووانی شێرپەنجە

سلێمانى - AA

نەخۆشخانەى هیوا یەکێکە لە نەخۆشخانە بەناوبانگەکانى هەرێمى کوردستان و عێراق، ئەو نەخۆشخانەیە کاردەکات بۆ چارەسەر کردنى توشبووانی شێرپەنجە، لە ئێستاشدا بەدەیان منداڵى تێدایە کە بەمەبەستى چارەسەرکردن روویان لەو نەخۆشخانەیە کردووە، رێکخراوی منداڵپارێزى کوردستانیش بەچالاکى جۆراوجۆر کاردەکات بۆ زیاتر دڵخۆشکردنى ئەو منداڵانە.

توێژەرى دەروونی و کارمەندى رێکخراوی منداڵپارێزى کوردستان لە نەخۆشخانەى هیوا، شادى نەوزاد بۆ ئاژانسى ئانادۆڵو گوتى:"ئێمە وەک منداڵپارێزى کوردستان لە نەخۆشخانەى هیوا یەکێک لە سێکتەرکانمان تایبەتە بە کارکردن لەگەڵ ئەو منداڵانەى کە توشوبوون بە نەخۆشى شێرپەنجە، وەک خۆمان کاردەکەین لەسەر بوارى کۆمەڵایەتى و دەروونى، هەروەها هاوکارى دارایى ئەو خێزانانە دەکەین کە منداڵیان توشى نەخۆشى شێرپەنجە بووە".

شادی نەوزاد گوتیشى: "ئێمە کار بۆ ئەوە دەکەین کە هەر منداڵێک دەهێند رێتە ئەم نەخۆشخانەیە، هەست بەوە نەکات کە نەخۆشە و کاتەکانى بە ناخۆشى بەسەر بەرێت، ئێمە کار لەسەر ئەوە دەکەین کە دەبێت منداڵى توشبوو کات و ساتێکى خۆشى بۆ دابین بکرێت و ئێمە وەک منداڵپارێزى کوردستان رۆژانە و هەفتانە چالاکى جۆراو جۆر بۆ منداڵانى توشبوو بە نەخۆشى شێرپەنجە لە نەخۆشخانەى هیوا ئەنجام دەدەین، بۆ ئەوەى دڵیان خۆش بکەین و خەندە بخەینە سەر لێوەکانیان".