Senita Şeherçehayiç
03 Март 2018•Ажурирај: 04 Март 2018
БЕЛГРАД (AA) – Во недела, на 4 март, во Белград, Бор, Аранѓеловац и Севојно во Србија ќе бидат одржани локални избори на кои граѓаните ќе бираат градски органи на власта, јавува Anadolu Agency (AA).
На изборите за градска власт во главниот град на Србија, Белград, право на глас имаат 1 606 693 гласачи, објави Градската изборна комисија.
Граѓаните своето гласачко право ќе можат да го искористат на 1 185 гласачки места во период од седум до 20 часот.
Белграѓаните на локалните избори бираат 110 пратеници на Собранието на градот, кое најдоцна во рок од месец дена од конституирање ќе избере нов градоначалник.
На гласачките ливчиња за градската власт во Белград во недела ќе се најдат 24 изборни листи.
Изборниот молк започна на први март на полноќ и ќе трае до недела во 20 часот, односно до затворањето на гласачките места.
Резултатите од изборите би требало да бидат објавени до 5 март во 20 часот.
