ТИРАНА (АА) - Во Албанија започна дводневниот Министерски форум ЕУ - Западен Балкан за правда и внатрешни работи, организиран од страна на Чешка како претседавач со Европската Унија (ЕУ), јавува Агенција Анадолија (АА).
На првата сесија на Форумот кој се одржува во Конгресната палата во Тирана, ќе се дискутира за соработката во справувањето со влијанието на Руско-украинската војна врз безбедноста.
Меѓу другото, на втората сесија ќе се разговара за зајакнување на менаџирањето на миграцијата, азилот и границите.
На крајот на работите ќе се реализира прес-конференција од страна на еврокомесарката за внатрешни работи, Илва Јохансон, министерот за внатрешни работи на Албанија, Бледар Чучи и чешкиот министер за внатрешни работи, Вит Ракусан.
На овој форум учествуваат високи претставници од министерствата за внатрешни работи на земјите од регионот, меѓу кои и министерот за внатрешни работи на Северна Македонија, Оливер Спасовски, претставници на ЕВРОПОЛ, ФРОНТЕКС и претставници на други меѓународни организации.
