Во Северна Македонија во последните 24 часа регистрирани 19 нови случаи на коронавирусот

СКОПЈЕ (АА) - Во последните 24 часа во Република Северна Македонија регистрирани се 19 нови случаи на коронавирусот (Ковид-19) кои ја зголемија вкупната бројка на евидентирани случаи од почетокот на епидемијата во земјата на 155.760, пренесува Агенција Анадолија (АА).

Од последици предизвикани од Ковид-19 во последното деноноќие не се регистрирани нови починати лица, со што билансот на починати од овој вирус во земјата остана ист, односно изнесува 5.486.

Денеска Институтот за јавно здравје регистрира 4 оздравени пациенти од Ковид-19, a вкупната бројка на оздравени изнесува 150.118.

Бројот на активни случаи на Ковид-19 во Северна Македонија изнесува 156.

Министерството за здравство информира дека во последните 24 часа се реализирани 2.518 тестирања за Ковид-19, а досега во земјата се направени вкупно 900.165 тестирања.