Српскиот министер Дачиќ во Нови Сад: Пронајдена 13-та жртва, не очекуваме да бидат пронајдени уште тела
Денес околу пладне се случи несреќа во Нови Сад кога се урна настрешницата на влезот во објектот на железничката станица
Фото: Aleksandar Savanovic/AA
НОВИ САД (АА) - Министерот за внатрешни работи Ивица Дачиќ потврди дека по трагичната несреќа на железничката станица во Нови Сад е пронајдено 13-то тело и дека не очекува да бидат пронајдени уште жртви, јавува Анадолу.
„Кога имавме осум жртви, знаевме дека под урнатините има уште пет лица за кои не можевме да утврдиме дали се живи или мртви“, изјави Дачиќ за новинарите во Нови Сад. Претходно истакна дека во несреќата се повредени три лица и дека се наоѓаат во болница.
Според неговите зборови, лицата не давале знаци на живот, а тежината на повредите не дозволувала да се укаже помош.
„Смрт настапила на лице место“, додаде министерот Дачиќ, пренесе Танјуг.
Дачиќ им даде признание на сите што учествуваа во спасувачката операција и во тек е идентификација на жртвите.
„Ова е тешко да се гледа. Сите овие бетонски конструкции треба да се подигнат“, додаде Дачиќ.
Денес околу пладне се случи несреќа во Нови Сад кога се урна настрешницата на влезот во објектот на железничката станица.
Во Србија утре е прогласен Ден на жалост.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
