Палестинско семејство во Газа најде засолниште во оштетена зграда пред уривање

КАН ЈУНИС (AA) - Израелските напади во јужниот дел на Појасот Газа сериозно оштетија петкатна зграда во населбата Кетибе, во северниот дел на Кан Јунис, Палестина, јавува Анадолу.

Палестинско семејство од 15 члена моментално живее во објектот откако го загуби својот дом.

Зградата е на работ на уривање, но семејството останува во неа поради недостаток на соодветни опции за засолување во областа.

Тие моментално ги расчистуваат урнатините од местото и живеат со многу ограничени ресурси.

Екипите за цивилна одбрана предупредија да не се престојува во зградите оштетени од бомбардирањата.

Надлежните посочија дека овие градби се нестабилни и се под постојан ризик од уривање.

Израелската Армија уби повеќе од 71.000 Палестинци, повеќето од нив жени и деца, а повредени се над 171.000 во бруталната офанзива од октомври 2023 година, која го остави Појасот Газа во урнатини.

И покрај прекинот на огнот што стапи на сила на 10 октомври минатата година, израелската Армија продолжи со нападите, при што загинаа 442 Палестинци, а ранети се уште 1.236, според податоците на Министерството за здравство на Газа.