Туркије: Петелот што се онесвести додека кукурикаше, стана интернет-сензација

ДЕНИЗЛИ (AA) – Во градот Аџипајам, што се наоѓа во турската област Денизли, еден петел стана интернет-сензација откако беше снимен како се онесвестува додека кукурика, јавува Анадолу.

17-годишниот Мехмет Копаран, кој живее во населбата Акалан, го споделил видеото на своите профили на социјалните мрежи, кое за кратко време привлекло големо внимание.

„Овој петел го одгледувам во мојот двор. Има само шест месеци. Кога го снимив видеото, кукурикаше 17 секунди и потоа одеднаш се онесвести. По кратко време, повторно се разбуди“, изјави Копаран за Анадолу.

Тој додаде дека од детството со голема страст одгледува петли и кокошки.

Видеото што тој го објави набргу стана вирално, а многу корисници коментираа за необичното однесување на петелот, кој се онесвестува поради долгото кукурикање.