Во Русија бројот на случаи со Ковид-19 надмина 681.000

МОСКВА (АА) – Во Русија бројот на откриени случаи со новиот вид коронавирус, Ковид-19, се искачи на 681.251, додека бројот на починати порасна на 10.161 лице, пренесува Агенција Анадолија (АА).

Според соопштението на Центарот за контролирање и спречување на инфекции од коронавирусот на Русија, во последните 24 часа откриени се уште 6.736 случаи на Ковид-19, со што вкупната бројка на откриени случаи се зголеми на 681.251.

Во последните 24 часа починаа уште 134 лица. Со ова, вкупниот број на починати порасна на 10.161.

Исто така, во земјата излекувани се уште 3.871 лице, со што вкупната бројка на излекувани во земјата се искачи на 450.750 лица.

Трендот на пораст на бројот на заразени на дневно ниво е 1 отсто, а 29,8 отсто од заразените не покажуваат симптоми.

Во Москва, во последните 24 часа се потврдени 650 случаи на заразување, односно вкупно 224.860, додека бројот на починати е зголемен за 24 и изнесува 3.953.

Заводот за заштита на правата на потрошувачите и јавното здравје во Русија соопшти дека до денеска за присуство на Ковид-19 се извршени 20,1 милион тестирања.

Во Русија првиот случај на Ковид-19 е потврден на 31 јануари, а првиот смртен случај поврзан со Ковид-19 е забележан на 19 март. Кон крајот на март се воведени низа мерки за спречување на ширењето на коронавирусот.

Неодамна започна ублажувањето на воведените мерки, но и понатаму е на сила обврската за носење маски и ракавици.

Во Москва од 9 јуни е укинато ограничувањето на движењето воведено на 30 март.