Шпанија: Вкупната бројка на починати лица од Ковид-19 се искачи на 21.717

МАДРИД

Во Шпанија во изминатите 24 часа од последиците на Ковид-19 починаа 435 лица, со што вкупниот број на починати достигна 21.717, јавува Агенција Анадолија (АА).

Од Министерството за здравство на Шпанија е наведено дека ден претходно од последиците на Ковид-19 починале 430 лица, и дека во изминатите 24 часа не е е воочен пад на бројот на починати.

Во истиот период се забележани 4.211 нови случаи на заразување, со што вкупниот број на заразени се зголеми на 208.389.

Од Ковид-19 се излекувани уште 3.411 лица, а бројот на излекувани од почетокот на заразувањето во таа земја е зголемен на 85.915.

Жариштето на Ковид-19 во Шпанија е сè уште Мадрид, каде што се забележани 57.997 случаи на заразување, а 7.930 заразени лица починаа.

Следуваат Каталонија со 43.112 заразени и 4.152 починати.

Вонредната состојба во Шпанија, што беше прогласена на 14 март, денес со одлука на Парламентот ќе биде продолжена до 9 мај.