Протести во Грузија поради апсењето на Саакашвили во Украина

ТБИЛИСИ (АА) - Во врска со апсењето на поранешниот претседател Михаил Саакашвили организирани се протести во главниот град на Грузија, Тбилиси, јавува Anadolu Agency (AA).

Лидерите на Обединетото национално движење, како и голем број граѓани учествуваа во протестната прошетка откако Саакашвили беше приведен вчера во Киев, Украина.

Членовите на партијата и граѓаните се собраа на авенијата „Руставели“, од каде што одеа до зградата на Владата.

Демонстрантите ги носеа знамињата на Грузија и на Украина, и извикуваа слогани „Да живее Грузија“ и „Да живее Саакашвили“.

Ника Мелиа и Заал Удумашвили, партиски водачи, ги обвинија владите на Грузија и Украина за заговор против Саакашвили.

Поранешниот грузиски претседател Михаил Саакашвили, кому претходно му беше укинато украинското државјанство, беше уапсен вчера во Украина.