Макрон најави инвестиција од 109 милијарди евра во вештачката интелгенција во наредните години

ИСТАНБУЛ (АА) - Францускиот претседател Емануел Макрон најави инвестиција од 109 милијарди евра (112 милијарди долари) во вештачката интелигенција (ВИ) во наредните години, јавува Анадолу.

Во интервју за јавниот радиодифузер „Франс 2“ вчера, пред 3. самит за вештачка интелигенција во Париз, Макрон ја нагласи потребата од меѓународна соработка и регулација.

„Ова е нова ера на напредок“, изјави Макрон, истакнувајќи дека вештачката интелигенција треба да служи како „асистент“, а не да ги заменува човечките работни места.

Тој посебно се осврна на примената на вештачката интелигенција во медицината, каде што технологијата може да помогне во подобрувањето на превенцијата, дијагностиката и третманот на болести, овозможувајќи им на здравствените работници да се посветат повеќе на грижата за пациентите.

Оваа инвестиција е направена како дел од настојувањата на Франција да остане во чекор со глобалните развои во областа на ВИ, вклучително и американската иницијатива „Старгејт“, за која американскиот претседател Доналд Трамп вети 500 милијарди долари.