На ТЕХНОФЕСТ изложени ротирачките компоненти на првиот турски турбовентилаторски мотор

АНКАРА (АА) – Вентилаторскиот ротор на турбовентилаторскиот мотор од турско производство е прикажан на најголемиот фестивал за воздухопловство и технологија во Туркије, ТЕХНОФЕСТ, јавува Анадолу.

Петдневниот настан започна во средата во главниот град Анкара со авиошоуа, натпревари, изложби и работилници.

Моторот, како мотор со мала големина, беше дизајниран и развиен од турската државна компанија ТАИ Моторни индустрии (TEI).

Челникот на компанијата, Махмут Акшит, рече дека ја завршиле фазата на прелиминарен дизајн на семејството на моторите и започнале со производство на првиот прототип на моторот.

„Ротирачките компоненти се готови и компанијата сега го произведува надворешниот дел - обвивката, која би можела да биде изложена на третото издание на ТЕХНОФЕСТ годинава во Измир“, истакна тој.

Првото издание на ТЕХНОФЕСТ за оваа година се одржа во Истанбул во април.