Јапонскиот лунарен лендер ги продолжува вселенските операции по привремен прекин

Паметниот лендер за истражување на Месечината слета на неа на 20 јануари, но контактот беше изгубен откако соларните панели беа позиционирани подалеку од сончевата светлина

ИСТАНБУЛ (АА) - Јапонија соопшти дека нејзината лунарна сонда продолжи со работа по привремениот прекин на електричната енергија, пренесува Анадолу.

Јапонската агенција за истражување на вселената соопшти дека успешно воспоставила комуникација со паметниот лендер за истражување на Месечината (СЛИМ) во неделата навечер и дека продолжила со работа.

СЛИМ слета на површината на Месечината на 20 јануари во 12:20 часот (19 јануари 15:20 GMT).

Откако работеше на батерија неколку часа, лендерот се исклучи бидејќи неговите соларни панели беа позиционирани подалеку од сонцето пред да прати слики од површината на Месечината.

„Ја добивме првата светлина за набљудувањето со 10 ленти“, соопшти јапонската вселенска агенција за досегашните научни активности на сондата.

Јапонија е петтата земја што постави лендер на површината на Месечината, по поранешниот Советски Сојуз, САД, Кина и Индија.