Романија ги прогласи рускиот воен аташе и неговиот заменик за персона нон грата

Романските власти ги прогласија руското воено, воздушно и поморско аташе во Букурешт и неговиот заменик за персона нон грата, известува Анадолу.

Романското Министерство за надворешни работи соопшти дека одлуката е проследена до руските власти.

Во образложението се наведува дека таквиот потег се должи на активности што ја прекршуваат Виенската конвенција за дипломатски односи од 1961 година.

Во соопштението не се откриваат повеќе детали за активностите што ѝ претходеле на оваа одлука.